96 Part 2 - மீண்டும் இணையும் விஜய் சேதுபதி, திரிஷா! Vijay Sethupathi | Trisha

இயக்குனர் பிரேம்குமார் இயக்கத்தில் விஜய் சேதுபதி மற்றும் திரிஷா  நடிப்பில், 2018 ஆம் ஆண்டு வெளியாகி சூப்பர் ஹிட் அடித்த திரைப்படம் 96. மேலும் காதல் தோல்வியை மையமாகக் கொண்டு உருவாக்கப்பட்ட இந்த படத்திற்கு மக்கள் மத்தியில் நல்ல வரவேற்பு கிடைத்தது. இதனைத் தொடர்ந்து இயக்குனர் பிரேம்குமார் இந்தப் படத்தை தெலுங்கில் "ஜானு" என்ற பெயரில் ரீமேக் செய்திருந்தார். அதில் சர்வானந்த் மற்றும் சமந்தா நடித்திருந்தனர். ஆனால் தமிழில் கிடைத்த அளவிற்கு தெலுங்கில் அந்த படத்திற்கு வரவேற்பு கிடைக்கவில்லை.

பிரேம்குமார் இயக்கத்தில் மீண்டும் ஒரு காதல் காவியம்!

இயக்குனர் பிரேம்குமார், கார்த்தியை வைத்து மெய்யழகன் என்ற படத்தை இயக்கி வருகிறார். இதனைத் தொடர்ந்து அடுத்ததாக 96 படத்தின் இரண்டாம் பாகத்தை அவர் இயக்கப் போவதாக தகவல் வெளியாகி உள்ளது. சமீபத்தில் பிரேம்குமார் அளித்த பேட்டியில், 96 படத்தின் இரண்டாம் பாகத்திற்கான கதையை எழுதி விட்டேன். மேலும் அந்த கதையை நடிகர் விஜய் சேதுபதியின் மனைவியிடம் சொன்னபோது அவர் மிகவும் பிடித்திருப்பதாக கூறினார் என்று பிரேம்குமார் தெரிவித்து இருந்தார். மேலும் மெய்யழகன் படத்தை முடித்துவிட்டு அடுத்ததாக விஜய் சேதுபதி மற்றும் திரிஷாவை வைத்து 96 படத்தின் இரண்டாம் பாகத்தை இயக்கப் போவதாகவும் அதில் தெரிவித்துள்ளார். எனவே மீண்டும் விஜய் சேதுபதி மற்றும் திரிஷா இணைந்து நடிப்பதை பார்ப்பதற்காக அவர்களின் ரசிகர்கள் மிகுந்த ஆர்வத்தில் உள்ளனர்.