STR 48 - யின் தயாரிப்பாளராக அவதாரம் எடுக்கும் சிம்பு! 

சிம்பு கடைசியாக நடித்த மாநாடு, வெந்து தணிந்தது காடு, பத்து தல படங்களுக்கு மக்கள் மத்தியில் நல்ல வரவேற்பு கிடைத்தது. இப்பொழுது அடுத்ததாக, இயக்குனர் தேசிங்கு பெரியசாமி இயக்கத்தில் சிம்பு அவருடைய 48வது படத்தில் நடிக்கிறார். இப்படத்தை கமல்ஹாசனின் ராஜ்கமல் நிறுவனம் தயாரிக்கிறது. மேலும் இந்த படத்திற்காக சிம்பு மார்ஷியல் ஆர்ட்ஸ் உள்ளிட்ட கலைகளை கற்றுக் கொண்டார். இதற்காக அவர் தாய்லாந்த், லண்டன் உள்ளிட்ட நாடுகளுக்கு சென்றிருந்தார் என்பது குறிப்பிடத்தக்கது. 

STR 48 படத்திலிருந்து விலகும் கமல்ஹாசன்! 

இந்த நிலையில் STR 48 படத்திலிருந்து கமல்ஹாசனுடைய ராஜ் கமல் நிறுவனம் விலகப்போவதாக ஒரு தகவல் வெளியாகி உள்ளது. ஏனென்றால்  இந்த படத்துக்கான பட்ஜெட் நினைத்ததை விட அதிகமாக வாய்ப்பிருப்பதாகவும், அதனால் ராஜ்கமல் நிறுவனம் இந்த முடிவை எடுத்ததாகவும், அதற்கு பதிலாக சிம்புவே ஒரு தயாரிப்பு நிறுவனத்தை தொடங்கி STR 48 படத்தை தயாரிக்க போவதாக கூறப்படுகிறது.