அமமுக கூட்டத்தில் முக்கிய முடிவு; டிடிவி தினகரன் அறிவிப்பு!

அமமுக கூட்டத்தில் முக்கிய முடிவு; டிடிவி தினகரன் அறிவிப்பு!

தேர்தல் கூட்டணி குறித்து முடிவெடுக்க டிடிவி தினகரனுக்கு முழு அதிகாரம் உள்ளது என அமமுக கூட்டத்தில் முடிவு எடுக்கப்பட்டுள்ளது.  

அம்மா மக்கள் முன்னேற்ற கழகத்தின் செயற்குழு மற்றும் பொதுக்குழு கூட்டம் தஞ்சாவூரில் இன்று நடைபெற்றது.

கட்சி பொதுச்செயலாளர் டி.டி.வி. தினகரன் தலைமையில் நடந்த இந்தக் கூட்டத்தில் 2026 சட்டமன்றத் தேர்தல் கூட்டணி தொடர்பாக முடிவெடுக்க முழு அதிகாரம் தினகரனுக்கு வழங்கி தீர்மானம் நிறைவேற்றப்பட்டது.

இந்த கூட்டத்தில் கட்சியின் கொள்கை, யுக்திதிகள் குறித்து விவாதிக்கப்பட்டது.

தொடர்ப்து பேசிய தினகரன், 75 ஆண்டுகால கட்சிக்கு சளைக்காமல் கட்டமைப்பை உருவாக்கி வைத்திருக்கும் இயக்கம் அமமுக.

2026 சட்டமன்றத் தேர்தலில் கூட்டணி குறித்து அமமுகவினர் கவலைப்பட வேண்டாம். எந்தக் கூட்டணியாக இருந்தாலும் அமமுக கௌரவமான எண்ணிக்கையில் தொகுதிகளைப் பெறும்” என்று உறுதியளித்தார்.

தேர்தல் நேரத்தில் எதிரி, துரோகி எனப் பார்க்க அவசியமில்லை. மக்கள் நலனே முக்கியம். வரக்கூடிய தேர்தலில் நாம் கை காட்டுபவர் தான் தமிழ்நாட்டின் முதல்வராக வர முடியும்.

அமமுக உறுதியாக சட்டமன்றத்திற்கு ஆளுங்கட்சியாகச் செல்ல இருக்கிறது என்று தினகரன் தெரிவித்தார்.

கூட்டணி ஆட்சியில் இடம் பெற உள்ளவர்கள் மேடையில் மட்டுமல்ல கீழேயும் அமர்ந்துள்ளீர்கள். வரக்கூடிய தேர்தலில் ஆட்சி அதிகாரத்தில் பங்கு கொடுப்பவர்களுடன் மட்டுமே கூட்டணி அமைக்கப்படும். தமிழகத்தில் கூட்டணி ஆட்சி அமைப்போம்.

அதில் அமமுகவைச் சேர்ந்தவர்கள் உறுதியாக அமைச்சர்களாக இடம்பெறுவார்கள் என்று தினகரன் உற்சாகமாகப் பேசினார்.

இந்தக் கூட்டம் அமமுகவின் 2026 தேர்தல் யுக்தியை வெளிப்படுத்தியுள்ளது. கூட்டணியில் ஆட்சிப் பங்கு மற்றும் கௌரவமான தொகுதிகள் கோருவது அமமுகவின் முக்கிய இலக்காக உள்ளது.