நாளை தீவிரப்புயல்; மீனவர்களுக்கு எச்சரிக்கை!

நாளை தீவிரப்புயல்; மீனவர்களுக்கு எச்சரிக்கை!

வங்கக்கடலில் உருவாகியுள்ள 'மோன்தா' புயல் தீவிரமடைந்து, நாளை ஆந்திர கடலோரப் பகுதிகளை நெருங்குகிறது. இதனால் தமிழகத்தின் வட கடலோர மாவட்டங்களில் கனமழை பெய்ய வாய்ப்புள்ளது. குறிப்பாக திருவள்ளூரில் மிக கனமழை எச்சரிக்கை விடுக்கப்பட்டுள்ளது.

வங்கக்கடலில் உருவான 'மோன்தா' புயல் தீவிரமடைந்து, நாளை ஆந்திர கடலோரப் பகுதிகளைக் கடக்கக்கூடும். இதனால், இன்று மற்றும் நாளை தமிழகத்தின் வட கடலோர மாவட்டங்களில் கன முதல் மிக கனமழை பெய்யும் என வானிலை ஆய்வு மையம் எச்சரித்துள்ளது.

குறிப்பாக, திருவள்ளூர் மாவட்டத்தில் மிக கனமழைக்கு வாய்ப்புள்ளது.

அக்டோபர் 28 தீவிரப் புயல்!

தென்கிழக்கு வங்கக்கடலில் நேற்று ஆழ்ந்த காற்றழுத்த தாழ்வு மண்டலமாக இருந்த அமைப்பு, மோன்தா புயலாக வலுப்பெற்றுள்ளது.

இது மேற்கு - வடமேற்கு திசையில் நகர்ந்து, இன்று காலை சென்னையிலிருந்து சுமார் 520 கிலோ மீட்டர் தொலைவில் நிலை கொண்டுள்ளது. இந்த புயல் நாளை அக். 28 காலை தீவிரப் புயலாக வலுப்பெற்று, ஆந்திராவின் மசூலிப்பட்டினம் - கலிங்கப்பட்டினம் இடையே காக்கிநாடா அருகே கரையை கடக்கும் என எதிர்பார்க்கப்படுகிறது.

அப்போது மணிக்கு 90 முதல் 100 கிலோ மீட்டர் வேகத்திலும், சில சமயங்களில் 110 கிலோ மீட்டர் வேகத்திலும் காற்று வீசக்கூடும்.

புயல் கரையை கடக்கும்போது, காற்றின் வேகம் அதிகமாக இருக்கும். இதனால், கடலோரப் பகுதிகளில் எச்சரிக்கை நடவடிக்கைகள் எடுக்கப்பட்டு வருகின்றன.

இதனால் மீனவர்கள் கடலுக்குச் செல்ல வேண்டாம் என அறிவுறுத்தப்பட்டுள்ளனர்.

அக்டோபர் 28 அன்று, திருவள்ளூர் மாவட்டத்தில் ஓரிரு இடங்களில் கன முதல் மிக கனமழை பெய்யும். சென்னை, செங்கல்பட்டு, காஞ்சிபுரம், இராணிப்பேட்டை, தேனி, தென்காசி, திருநெல்வேலி மலைப்பகுதிகள் மற்றும் கன்னியாகுமரி மாவட்டங்களில் ஓரிரு இடங்களில் கனமழை பெய்யக்கூடும். வட தமிழக கடலோர மாவட்டங்கள் மற்றும் புதுச்சேரி, காரைக்கால் பகுதிகளிலும் மணிக்கு 30 முதல் 40 கிலோ மீட்டர் வேகத்தில் காற்று வீசக்கூடும்.