குடியரசு தின விழா: தமிழக அரசின் அலங்கார ஊர்திக்கு மத்திய அரசு அனுமதி
குடியரசு தின விழா: தமிழக அரசின் அலங்கார ஊர்திக்கு மத்திய அரசு அனுமதி
புதுடெல்லி:
குடியரசு தின விழாவை முன்னிட்டு, ஆண்டுதோறும் ஜனவரி 26-ஆம் தேதி டெல்லியில் அணிவகுப்பு நிகழ்ச்சி நடைபெறும். கடந்த ஆண்டு தமிழக அரசின் ஊர்திக்கு அனுமதி வழங்கப்படாத நிலையில் இந்த ஆண்டு மத்திய அரசு அனுமதி வழங்கியுள்ளது.
தமிழக அரசு சார்பில் முன்மொழியப்பட்ட அலங்கார ஊர்தியின் வடிவமைப்பு மற்றும் கருத்தாக்கம் தொடர்பாக மத்திய அரசின் தேர்வுக் குழு ஆய்வு மேற்கொண்ட நிலையில், அதற்கு தற்போது ஒப்புதல் அளிக்கப்பட்டுள்ளது. இதன் மூலம் குடியரசு தின அணிவகுப்பில் தமிழகத்தின் பண்பாடு, வளர்ச்சி மற்றும் சிறப்பம்சங்களை வெளிப்படுத்தும் அலங்கார ஊர்தி இடம் பெற உள்ளது.
கடந்த ஆண்டுகளில் தமிழகத்தின் அலங்கார ஊர்திக்கு அனுமதி வழங்கப்படாதது தொடர்பாக அரசியல் மற்றும் பொது வட்டாரங்களில் விமர்சனங்கள் எழுந்த நிலையில், இந்த ஆண்டின் அனுமதி முக்கியத்துவம் பெறுகிறது.
இந்த ஆண்டு குடியரசு தின விழா அணிவகுப்பில் அணிவகுப்பு நாட்டின் பல்வேறு மாநிலங்களின் கலாச்சாரம், பாரம்பரியம் மற்றும் சாதனைகளை பிரதிபலிக்கும் முக்கிய நிகழ்வாகக் கருதப்படுகிறது. அந்த வரிசையில் தமிழக அரசின் அலங்கார ஊர்தி பங்கேற்பது மக்களிடையே மகிழ்ச்சியை ஏற்படுத்தியுள்ளது.
