கமலா ஹாரிஸ் vs டிரம்ப் விவாதம் | Donald Trump and Kamala Harris agree to debate, US Network ABC Says

அமெரிக்காவில் அதிபர் வேட்பாளர்கள் நேருக்கு நேர் விவாதித்து கொள்வது வழக்கம். இந்தாண்டு இறுதியில் அதிபர் தேர்தல் நடைபெறுகிறது. அதற்கான பிரச்சாரம் தீவிரமாக நடந்து வரும் நிலையில், அதிபர் வேட்பாளர்களான டிரம்ப் மற்றும் கமலா ஹாரிஸ் இடையே அடுத்த மாதம் விவாதம் நடக்க உள்ளது. இருவரும் முதல்முறையாக நேருக்கு நேர் சந்திக்க உள்ளனர் என்பதால் எதிர்பார்ப்புகள் அதிகரித்துள்ளன.

ஜனநாயக கட்சி சார்பில் கமலா ஹாரிஸ், குடியரசு கட்சி சார்பில் டிரம்ப் போட்டியிடுகிறார்கள். செப்டம்பர் 10ஆம் தேதி முதல் விவாதம் நடைபெறுவதாக ஏபிசி தொலைக்காட்சி நிறுவனம் அறிவித்துள்ளது. டிரம்ப் மூன்று விவாதங்களில் கலந்து கொள்ள அனுமதித்துள்ளார்.

இந்த விவாதம் அதிபர் தேர்தலுக்கான பிரச்சாரத்தில் மிக முக்கியமாக இருக்கும். கடந்த ஜூன் மாதம் டிரம்ப் மற்றும் பைடன் இடையே நடந்த விவாதத்தில் பைடனின் உடல்நிலை மோசமாக இருப்பது தெளிவாகத் தெரிந்தது. அதன்பிறகு பைடனின் ஆதரவு குறைந்தது. இதனால் அவர் போட்டியிடமாட்டேன் என அறிவித்தார். கமலா ஹாரிஸ் வேட்பாளராக அறிவிக்கப்பட்ட பிறகு, அவருக்கான ஆதரவும் அதிகரித்துள்ளது.

சமீபத்திய கருத்துக்கணிப்புகள் கமலா ஹாரிஸ் முன்னிலையில் இருப்பதை காட்டுகின்றன. டிரம்ப்-கமலா ஹாரிஸ் இடையே கடும் போட்டி நிலவி வருகிறது. இந்த விவாதம் அதிபர் தேர்தல் பிரச்சாரத்தில் மிக முக்கியமானதாக இருக்கும்.