கர்நாடகாவில் திரைப்பட டிக்கெட் கட்டணம் குறைப்பு: புதிய அரசாணை விவரங்கள் | 

Karnataka Government | Theatre

கர்நாடகாவில் கடந்த சில வருடங்களாகவே திரைப்படங்களுக்கான கட்டணங்கள் மிகவும் அதிகமாக இருந்தன. குறிப்பாக, புதிய திரைப்படங்களுக்கு திரையரங்கு உரிமையாளர்கள் தாங்களாகவே ரூ.800, ரூ.900, ரூ.1,000 என கட்டணங்களை நிர்ணயம் செய்தனர். புதிய படங்கள் இல்லாத நாட்களில்கூட டிக்கெட் கட்டணம் ரூ.400, ரூ.500 என அதிகபட்சமாகவே இருந்தது. பொதுமக்களுக்கு இந்த விலை ஒரு பெரிய சுமையாக இருந்ததால், இதனைக் கட்டுப்படுத்த கர்நாடகா அரசு சமீபத்தில் மக்களின் கருத்துக்களைக் கேட்டறிந்து, ஒரு புதிய அரசாணையை வெளியிட்டுள்ளது. இந்த அரசாணையின்படி, ஜிஎஸ்டி இல்லாமல், அனைத்துவிதமான திரையரங்குகளிலும் ஒரு டிக்கெட்டின் அதிகபட்ச விலை ரூ.200 ஆக மட்டுமே இருக்க வேண்டும் என உத்தரவிடப்பட்டுள்ளது. எனினும், 75 இருக்கைகளுக்கு குறைவாக உள்ள பிரீமியம் வசதி கொண்ட திரையரங்குகளுக்கு மட்டும் இந்த விலக்கு பொருந்தாது. 2017ல் இதேபோன்று கட்டணங்களைக் குறைக்க அரசு நடவடிக்கை எடுத்தபோது, திரையரங்கு உரிமையாளர்கள் நீதிமன்றத்தில் வழக்குத் தொடுத்து வெற்றி பெற்றனர். ஆனால், இத்தனை ஆண்டுகளுக்குப் பிறகு தற்போது இந்த புதிய கட்டுப்பாடு விதிக்கப்பட்டுள்ளது. இதனால், திரைப்பட ரசிகர்களும், திரையுலகினரும் இந்த முடிவை வரவேற்றுள்ளனர். இதேபோன்றதொரு முயற்சியை ஆந்திரா மற்றும் தெலங்கானா அரசுகளும் எடுக்க வேண்டும் என தெலுங்கு ரசிகர்கள் எதிர்பார்த்து காத்திருக்கின்றனர். ஏனெனில், அங்கு புதிய திரைப்படங்களுக்கு முதல் வாரத்திற்கு மட்டும் கட்டணங்களை உயர்த்த அரசு அனுமதி அளிக்கிறது.